ხელფასის კალკულატორი

გამოთვალეთ, რამდენი რჩება ხელზე დარიცხული ხელფასიდან, რამდენი უნდა დაარიცხოთ სასურველი ხელზე ასაღები თანხისთვის, ან რამდენია ხელფასი ნამუშევარი საათებით. საშემოსავლო და საპენსიო ავტომატურად ითვლება.

₾
დარიცხული (ბრუტო)
2 000,00 ₾
საპენსიო 2%
− 40,00 ₾
საშემოსავლო 20%
− 392,00 ₾
ხელზე ასაღები1 568,00 ₾

დამსაქმებლის ჯამური ხარჯი, საკუთარი 2%-იანი საპენსიო შენატანით: 2 040,00 ₾

როგორ ითვლება ხელზე ასაღები ხელფასი

  • საპენსიო შენატანი — დარიცხული ხელფასის 2% (დაგროვებით საპენსიო სქემაში მონაწილე თანამშრომლისთვის).
  • საშემოსავლო გადასახადი — 20%, რომელიც ითვლება დარიცხულს გამოკლებული საპენსიო შენატანიდან.
  • ხელზე ასაღები = დარიცხული − საპენსიო − საშემოსავლო. საპენსიოთი ეს დარიცხულის 78,4%-ია, საპენსიოს გარეშე — 80%.
  • დამსაქმებელი საკუთარი სახსრებიდან დამატებით 2%-ს რიცხავს საპენსიო ფონდში — ის თანამშრომლის ხელფასს არ აკლდება.

მაგალითი

დარიცხული ხელფასი 2 000 ₾: საპენსიო 2% = 40 ₾, საშემოსავლო (2 000 − 40) × 20% = 392 ₾, ხელზე ასაღები — 1 568 ₾. დამსაქმებლის ჯამური ხარჯი საკუთარი 2%-იანი საპენსიო შენატანით — 2 040 ₾.

ხელზე ასაღებიდან დასარიცხი

თუ თანამშრომელთან ხელზე ასაღებ თანხაზე შეთანხმდით, დასარიცხი = ხელზე ასაღები ÷ 0,784 (საპენსიოთი) ან ÷ 0,8 (საპენსიოს გარეშე). მაგალითად, ხელზე 1 500 ₾-ისთვის 1 913,27 ₾ უნდა დაარიცხოთ.

საათობრივი ხელფასი

საათობრივი ანაზღაურებისას დარიცხული = საათის განაკვეთი × ნამუშევარი საათები, პლიუს ზეგანაკვეთური საათები გაზრდილი განაკვეთით. ზეგანაკვეთურის კოეფიციენტს კანონი არ ადგენს — ის შრომით ხელშეკრულებაში თანხმდება.

ყველაზე რთული ნაწილი საათების ზუსტად დათვლაა. Timo ნამუშევარ საათებს თანამშრომლების ჩექინებიდან აგროვებს და თვის ბოლოს ყოველ თანამშრომელზე ითვლის ხელფასს — საათობრივ ან თვიურ განაკვეთზე, დაგვიანების ჯარიმებით, ბონუსებითა და ზეგანაკვეთურით.

კალკულატორი საინფორმაციოა და იყენებს სტანდარტულ განაკვეთებს: საშემოსავლო 20%, საპენსიო 2%. საგადასახადო შეღავათები და განსაკუთრებული რეჟიმები (მაგ. მცირე ბიზნესის სტატუსი) არ არის გათვალისწინებული.

ხშირი კითხვები

რამდენი რჩება ხელზე 1 000 ლარიდან?

საპენსიო სქემის მონაწილეს — 784 ₾ (საპენსიო 20 ₾ + საშემოსავლო 196 ₾). საპენსიოს გარეშე — 800 ₾.

რამდენია საშემოსავლო გადასახადი?

ხელფასზე საშემოსავლო გადასახადი 20%-ია. ის ითვლება დარიცხულ ხელფასს გამოკლებული 2%-იანი საპენსიო შენატანიდან.

ვინ იხდის საპენსიო შენატანს?

თანამშრომლის ხელფასიდან იქვითება 2%, დამსაქმებელი საკუთარი სახსრებიდან ამატებს კიდევ 2%-ს, თავის წილს ამატებს სახელმწიფოც. თუ თანამშრომელი სქემის მონაწილე არ არის, კალკულატორში მოხსენით ნიშანი „საპენსიო 2%“.

როგორ გადავიყვანო ხელზე ასაღები დასარიცხში?

გაყავით ხელზე ასაღები თანხა 0,784-ზე (საპენსიოთი) ან 0,8-ზე (საპენსიოს გარეშე). ან აირჩიეთ კალკულატორში რეჟიმი „ხელზე → დასარიცხი“.

ითვალისწინებს კალკულატორი შეღავათებს?

არა — ის სტანდარტულ განაკვეთებს იყენებს. შეღავათის ან განსაკუთრებული რეჟიმის შემთხვევაში გადაამოწმეთ ბუღალტერთან.