მოდულების სახელმძღვანელო

Timo აღრიცხავს, თუ როდის მოდიან და მიდიან თანამშრომლები, ავტომატურად თვლის ნამუშევარ საათებს, დაგვიანებებსა და ზეგანაკვეთურ საათებს და ამ მონაცემებს ხდის სახელფასოდ მზა ტაბელად. თანამშრომელი ჩექინდება რამდენიმე დაცული მეთოდით — QR კოდით, პირადი PIN-ით, GPS-ით ან კიოსკიდან — ხოლო მენეჯერი ყველაფერს ხედავს ერთ პანელში, რეალურ დროში.

სისტემა აგებულია Multi-tenant არქიტექტურაზე, რაც უზრუნველყოფს თითოეული კომპანიის მონაცემების სრულ იზოლაციას. ადმინისტრატორები მუშაობენ ვებ-ბრაუზერიდან, კიოსკის რეჟიმი ხელმისაწვდომია ტაბლეტებზე, ხოლო თანამშრომლები სისტემას იყენებენ საკუთარი მობილური კაბინეტიდან.

თითოეული მეთოდი ორ რამეს ადასტურებს: ვინ ხარ და ნამდვილად აქ ხარ თუ არა. მეთოდები ირთვება პარამეტრებში — შეგიძლიათ დატოვოთ მხოლოდ ის, რაც თქვენს ბიზნესს უხდება.

დაშბორდი აჩვენებს, რა ხდება ამ წუთას: რამდენი მუშაობს, აგვიანებს, არ არის, შესვენებაზეა თუ დაასრულა; დღის ჯამური ნამუშევარი და დასწრების პროცენტი.

• ყურადღება საჭიროებს — ავტომატურად აგროვებს გადაუდებელს: დაუხურავი ჩექაუთები, დასამტკიცებელი შესწორებები, დღეს დაგვიანებულები. თითოეულიდან პირდაპირ გადახვალთ სამოქმედოდ.
• ლაივ ცხრილი — ვინ არის სამსახურში ახლა, ჩექინის დროითა და წყაროთი.
• ფილიალების დასწრება — რეალური present/expected თითო ფილიალზე.
• ბოლო აქტივობა — ბოლო ჩექინები/ჩექაუთები რეალურ დროში.

ცოცხალი დაფა, დაჯგუფებული სტატუსით. ფილტრავს ფილიალის მიხედვით. თუ სელფი ჩართულია, თითო თანამშრომელს გვერდით უჩანს ჩექინის ფოტო (დაჭერით — გადიდება).

თანამშრომლის დამატება/რედაქტირება: სახელი, თანამდებობა, ფილიალი, პირადი PIN, ტელეფონი (მობილურ კაბინეტში შესასვლელად), საათობრივი განაკვეთი ან თვიური ხელფასი და ზეგანაკვეთურის ჩართვა/გამორთვა.

• GPS გეოზონა Pro — თითო ფილიალს აქვს ცენტრი და რადიუსი. ცენტრი დგინდება სამი გზით: მისამართის ჩაწერით (რუკა თვითონ გადადის), „მიმდინარე ლოკაციის დაფიქსირებით" (მოწყობილობის GPS), ან რუკაზე თვალით. რადიუსი — 30-დან 500 მეტრამდე.
• კიოსკის მოწყობილობები — თითო ფილიალზე ქმნით კიოსკს და იღებთ 6-ნიშნა დაწყვილების კოდს ტაბლეტისთვის. დაკარგვისას აქვე გათიშავთ.
• რედაქტირება/წაშლა — ფილიალის სახელი, მისამართი, რადიუსი. ბოლო ფილიალის ან თანამშრომლიანი ფილიალის წაშლა დაცულია.

აქ ემატებიან ადმინისტრაციული მომხმარებლები (არა რიგითი თანამშრომლები) — HR, ფილიალის მენეჯერი, ბუღალტერი. მოწვევა ელფოსტით, როლის შეცვლა და წვდომის გაუქმება. თითო როლს თავისი ხედვის არეალი აქვს (იხ. როლები).

• ცვლების შაბლონები — დილის/საღამოს/ღამის ცვლა, თითო თავისი დროით, შესვენებითა და გრეისით.
• კვირის ბადე — უჯრაზე დაჭერით ანიჭებთ თანამშრომელს ცვლას ან დასვენებას. „კვირის კოპირება" გადაიტანს მთელ განრიგს შემდეგ კვირაზე.
• ჩანს თანამშრომლის აპში — თანამშრომელი თავის კაბინეტში ხედავს „დღევანდელ ცვლასა" და კვირის განრიგს.

ტაბელი ითვლის ნამუშევარ საათებს, დაგვიანებასა და ზეგანაკვეთურს რეალური ჩექინებიდან — არა ხელით. პერიოდი ირჩევა (7 / 14 / 30 დღე; Pro — 90 დღემდე), ფილტრავს ფილიალით და ექსპორტდება CSV-ში.

• დროის ხელით რედაქტირება — ნებისმიერ უჯრაზე დაჭერით ხსნით ჩექინის/ჩექაუთის დროის ჩასწორებას. დაგვიანება ავტომატურად თავიდან ითვლება; ცვლილება აისახება პეიროლსა და ანგარიშებში, და ინახება აუდიტ-ლოგში.
• ღია ცვლა — ჩექაუთის ველის გასუფთავება დღეს „ღიად" ტოვებს (თანამშრომელი დაავიწყდა ჩექაუთი).

თანამშრომელი მობილური კაბინეტიდან აგზავნის მოთხოვნას — მაგ. „დამავიწყდა ჩექაუთი, სწორი დრო 18:00". მენეჯერი ხედავს მიზეზს და ამტკიცებს ან უარყოფს. თითო გადაწყვეტილება აუდიტ-ლოგშია.

შვებულების მოთხოვნების დამატება და დამტკიცება, საკუთარი ტიპებით (ანაზღაურებადი, ავადმყოფობა, უხელფასო და ა.შ.). შვებულებაში მყოფი თანამშრომელი ცალკე სტატუსით ჩანს ლაივზე და არ ითვლება დასწრების პროცენტში.

მზა ანგარიშები, ყველა რეალურ ჩექინზე დაფუძნებული. თითო იხსნება ცხრილად და ჩამოიტვირთება CSV-ში.

• ორი რეჟიმი — საათობრივი (ნამუშევარი × განაკვეთი) ან თვიური ხელფასი.
• ზეგანაკვეთური — ჩართვა/გამორთვა, ×1.25 კოეფიციენტით; ინდივიდუალურადაც იმართება.
• დაგვიანების ჯარიმები Pro — თქვენი წესებით (მაგ. ≤15წთ → 20₾, ≤30წთ → 40₾), თითო შემთხვევაზე, გრეისით.
• ექსპორტი — CSV ყველა პაკეტში; Excel და PDF Pro.

აქ ირჩევთ პაკეტს, უთითებთ თანამშრომლების რაოდენობას (რაზეც იხდით), თვიურ ან წლიურ გადახდას (წლიური −20%) და იხდით ბარათით Bank of Georgia-ს დაცულ გვერდზე. ბარათის მონაცემები Timo-ს არ ხედავს. გადახდის შემდეგ ინახება ინვოისი (PDF-ად ჩამოტვირთვად).

• დაწყვილება — ადმინი ქმნის კიოსკს ფილიალზე (ფილიალები → კიოსკის დამატება) და იღებს 6-ნიშნა კოდს. ტაბლეტზე გახსენით timo.ge/kiosk და შეიყვანეთ კოდი.
• უსაფრთხოება — კიოსკს ადმინ-პანელზე წვდომა არ აქვს, მხოლოდ ჩექინი. თითო კიოსკი მკაცრად თავის კომპანიას/ფილიალს ემსახურება. დაკარგვისას ადმინი აქვე გათიშავს.
• გამოყენება — თანამშრომელი შეიყვანს PIN-ს ან დაასკანერებს ეკრანზე გამოსახულ QR-ს ტელეფონით.

თანამშრომელი შედის ტელეფონითა და PIN-ით (მიაწოდებს მენეჯერი) და თავისი ეკრანიდან:

• ჩექინი/ჩექაუთი — GPS-ით (გეოზონა მოქმედებს) ან QR/კიოსკის კოდით; შესვენების ჩართვა.
• დღევანდელი ცვლა და კვირის განრიგი.
• ნამუშევარი საათები — კვირის ჯამი და ზეგანაკვეთური, ბოლო დღეები.
• შესწორების მოთხოვნა — პირდაპირ მენეჯერთან.

Business-კომპანიას შეუძლია მონაცემები ავტომატურად ჩააკეროს საკუთარ სახელფასო ან HR სისტემაში. პარამეტრებში ქმნით API გასაღებს (ჩანს ერთხელ) და მისით მიმართავთ სამ read-only მისამართს: